Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Տնտեսական առումով Հայաստանը հասել էր մի սահմանի, որից այն կողմ չէր կարելի անցնել. Բագրատ Ասատրյան

Տնտեսական առումով Հայաստանը հասել էր մի սահմանի, որից այն կողմ չէր կարելի անցնել. Բագրատ Ասատրյան
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Տնտեսական առումով Հայաստանը հասել էր մի սահմանի, որից այն կողմ չէր կարելի անցնել. Բագրատ Ասատրյան

Տնտեսական առումով Հայաստանը հասել է մի սահմանի, որից այն կողմ չէր կարելի անցնել: Տեղի ունեցած քաղաքական իրադարձությունների թիկունքում, հեղափոխության տակ կային խորքային երևույթներ, որից առաջինը տնտեսության անմխիթար, սարսափելի վատ վիճակն էր, տնտեսական համակարգը, որը մի խումբ մարդկանց համար էր ծառայում: Այս մասին այսօր «Հայաստանի տնտեսության զարգացման արդի հիմնախնդիրները և ռազմավարական ուղղությունները» թեմայով գիտագործնական խորհրդաժողովի ժամանակ լրագրողների հետ զրույցում ասաց տնտեսագետ Բագրատ Ասատրյանը:

«Ես, որպես նախկին ժողովրդագիր, ուզում եմ հիշեցնել, որ վերջին տասը տարիների ընթացքում Հայաստանը լքել է 430 հազար մարդ, այսինքն՝ տնտեսական գործունեության հիմնական նպատակը սա էր: Այս խորհրդաժողովից մեծ ակնկալիք չպետք է ունենալ, բայց այս միջավայրը պետք է պահել, պահպանել, որովհետև եթե լայն խոսենք, մեր տնտեսական քաղաքականությունը վերջին 10-20 տարիների ընթացքում վարվել է ըստ իրադարձության»,-ասաց Բագրատ Ասատրյանը:

Տնտեսագետը նշեց, որ մտահոգվելու առիթ կա և դրանք ունեն ներքին և արտաքին պատճառներ: «Ես զարմանում եմ, որ նույն կառավարության անդամներից որևէ մեկը չասաց, որ արտաքին ֆոնը վատանում է: Օրինակ՝ մեր էքսպորտի առարկան հանդիսացող հիմնական հումքատեսակները պղինձը և ոսկին են. պղնձի միջազգային գներն ընկել են 10-11 տոկոսով, երկրորդ գործոնը՝ ՌԴ-ում տիրող իրավիճակն է, որը կոնկրետ ազդեցություն է թողնում: Ռուսաստանում տնտեսական աճի տեմպի նվազում կա, արդեն կանխատեսումներ կան, որոնք հասնում են 1,6 տոկոսի: Գումարած ՌԴ շուկայի փոփոխությունը, պատկերացրեք այս պայմաններն ինչ ազդեցություն կունենան հայ արտահանողի վրա, տրանսֆերտները օգոստոս- սեպտեմբերի ամիսների 7-8 տոկոսի նվազել են: Ներքին գործոների մասով, ինձ թվում է, մեր ամենամեծ ակնկալիքը պետք է լիներ հետհեղափոխական կայունացումը, որն իմ կարծիքով կա, այստեղ դրական տեղաշարժ էլ կա, վարկավորման աճը, օրինակ, աննախադեպ է, վերջին ինը ամիսների ընթացքում վարկային ներդրումների 10%-ից ավելի աճ ունենք»,-ասաց Ասատրյանը:

Նրա խոսքով՝ ներքին փոփոխություններին շուկան դրական է արձագանքում, որին կառավարությունը պետք է ձգտի որոշակի տեսք ու բովանդակություն տալ,առայժմ դա բանկերի ակտիվությունն է, դրանք են նախաձեռնել:

ԹԱՐՄ ՈՒՂԵՂՈՎ
20Հունիս
Բեռնեք Հայկական Լրատվական Ռադիոյի հավելվածները այստեղ՝
website by Sargssyan