Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Ազգային փոքրամասնությունների պատգամավորները նոր իշխանությունների հետ աշխատելու են նախկինի նման

Ազգային փոքրամասնությունների պատգամավորները նոր իշխանությունների հետ աշխատելու են նախկինի նման
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Ազգային փոքրամասնությունների պատգամավորները նոր իշխանությունների հետ աշխատելու են նախկինի նման

ՀՀ 7-րդ գումարման Ազգային ժողովում ասորական համայնքը ներկայացնող Արսեն Միխայլովն ու քրդական համայնքը ներկայացնող Կնյազ Հասանովը նոր իշխանության հետ կաշխատեն նույն ձևով, ինչպես աշխատել են նախկին իշխանության հետ:

Պատգամավորներն այս մասին ասացին «Արմենպրես»-ի հետ զրույցում:

Հասանովն ու Միխայլովը 6-րդ գումարման Ազգային ժողովում իրենց համայնքների կողմից ներկայացված էին նախկինում իշխող Հանրապետական խմբակցությունում, այսօր արդեն ԱԺ-ում մեծամասնություն կազմած «Իմ քայլը» խմբակցության կազմում են: 

«Նախորդ իշխանության հետ աշխատանքը նորմալ եմ գնահատում: Կարողացել ենք հարցեր բարձրացնել և լուծումներ ստանալ մեր համայնքի վերաբերյալ: Օրինակ` մեզ համար շատ կարևոր էր խոշորացման ծրագիրը, որոնցում ընդգրկված էին մեր ասորաբնակ գյուղերը: Ես այդ հարցը կարողացա բարձրացնել և խնդրել, որ ազգային փոքրամասնությունների համայնքների խոշորացումը չլինի, որպեսզի կարողանան պահպանել իրենց կրթամշակութային հարցերը»,- նշեց Արսեն Միխայլովը:

Քրդական համայնքի ներկայացուցիչ Կնյազ Հասանովի խոսքով` նախորդ իշխանությունների թերությունների համար ժողովուրդն է իր գնահատականը տվել:

«Նախորդ իշխանությունների օրոք մեր բոլոր հարցերը բարձրացվել են և ստացել իրենց լուծումները: Մնացած բոլոր թերությունների համար ժողովուրդն արդեն իր գնահատականը տվել է»,- ասաց Հասանովը:

Ասորական համայնքը լուծման կարիք ունեցող հրատապ խնդիրներ այժմ չունի, բայց անհրաժեշտության դեպքում դրանք կներկայացնի նաև նոր ձևավորված իշխանությանը:

«Հրատապ հարցեր չկան: Ունենք, իհարկե կրթամշակութային ոլորտում հարցեր, որոնք պետք է նորից բարձրացնենք ու տեսնենք, թե ինչ լուծում են ստանում: Հրատապ հարցերով մեր համայնքային կազմակերպությունները զբաղվում են, իսկ այն հարցերը, որոնք մեր համայնքային կազմակերպությունները չեն կարողանա լուծել, կբարձրացնենք Ազգային ժողովում, որ կարողանանք լուծում տալ»,- նշեց Միխայլովը:

Ազգային փոքրամասնությունների ներկայացուցիչները արդյունավետ համագործակցություն են ակնկալում նոր ձևավորված Ազգային ժողովի մեծամասնությունից:

«Մարդիկ ուզում են բաց աշխատել, համարձակ, ազնիվ: Կարծում եմ` Հայաստանում պետք է ընդունեն ազգային փոքրամասնություններին այնպես, ինչպես միշտ է եղել, և իրենց խնդիրներով զբաղվեն ու լուծումներ տան»,- ասաց ասորական համայնքի ներկայացուցիչը:

Քրդական համայնքի ներկայացուցիչը մեծ հույսեր է կապում տնտեսական հեղափոխության հետ:

«Ներկա իշխանությունները խոստացել են, որ պետք է հայտարարեն տնտեսական հեղափոխություն, և այս տնտեսությունը երբ զարգանա, նաև կզարգանան մեր երկիրն ու բանակը: Տնտեսության զարգացումից են կախված նաև մնացած բոլոր հարցերը` կենցաղը, մշակույթը, կեցությունը»,- նշեց Հասանովը:

7-րդ գումարման Ազգային ժողովում ներկայացված են 4 ազգային փոքրամասնությունների մեկական ներկայացուցիչներ:

Բեռնեք Հայկական Լրատվական Ռադիոյի հավելվածները այստեղ՝
website by Sargssyan