Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Գործադիրն ընդունեց դեղ ներմուծողների ու գրանցողների բեռը թեթևացնող որոշման նախագիծը

Գործադիրն ընդունեց դեղ ներմուծողների ու գրանցողների բեռը թեթևացնող որոշման նախագիծը
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Գործադիրն ընդունեց դեղ ներմուծողների ու գրանցողների բեռը թեթևացնող որոշման նախագիծը

 Հայաստանի Հանրապետության կառավարությունն ընդունեց «ՀՀ տարածք դեղեր, դեղանյութեր, դեղաբուսական հումք և հետազոտվող դեղագործական արտադրանք ներմուծելու և  ՀՀ տարածքից արտահանելու, ներմուծման և արտահանման համար իրականացվող փորձաքննության կարգերն ու անհրաժեշտ իրավական փաստաթղթերը սահմանելու, ինչպես նաև ՀՀ կառավարության 2000 սեպտեմբերի 20-ի 581 որոշումն ուժը կորցրած ճանաչելու մասին» կառավարության որոշման նախագիծը:

«Արմենպրես»-ի հաղորդմամբ` այն գործադիրի փետրվարի 28-ի նիստում ներկայացրեց ՀՀ առողջապահության նախարար Արսեն Թորոսյանը:

«Այս նախագծով սահմանվել են դեղագործական արտադրանքի՝ ԵԱՏՄ անդամ չհանդիսացող երկրներից և ԵԱՏՄ անդամ երկրից ներմուծման առանձնահատկությունները: Ընդլայնվել է ներմուծվող դեղի որակի նկատմամբ ներմուծողի պատասխանատվության շրջանակը, կրճատվել է պարտադիր լաբորատոր փորձաքննության փուլը ներմուծման հավաստագրման ընթացքում և ազատականացվել: Ներմուծողի պատասխանատու անձն է որոշում ընդունում դրա անհրաժեշտության, ծավալների և իրականացնողի վերաբերյալ: Սահմանվել է դեղերի զուգահեռ ներմուծման թույլտվության և թույլտվությունը մերժելու ընթացակարգը՝ հնարավորություն տալով ներմուծողին մինչև ներմուծում իրականացնելը ճշտելու ներմուծման հնարավորությունը: Սա կարևոր է նրանով, որ հանկարծ ներմուծումից հետո չպարզվի, որ խնդիրներ կան, և բեռը մնա մաքսային պահեստում»,- ասաց Թորոսյանը:

Նախագծով սահմանվել են նաև փորձաքննության կարգերը և անհրաժեշտ փաստաթղթերը: Հստակեցվել են առանձին պացիենտների համար Առողջապահության նախարարության կողմից չգրանցված դեղերի ներմուծման թույլտվության ընթացակարգը մատակարարների և միջազգային փոստային առաքանիների միջոցով: Սահմանվել են նաև դեղերի գրանցման ու ներմուծման նոր գներ:

«Նախագծի ընդունումը կարևոր է նրանով, որ վարձավճարների բացակայությունը խոչընդոտում էր ԵԱՏՄ շրջանակներում գրանցման գործընթաց սկսելուն: Մենք սրանով էականորեն թեթևացնում ենք ներմուծողների ու դեղ գրանցողների բեռը»,- ասաց նախարարը:

Կառավարության որոշման այս նախագիծը շուրջ երկու տարվա քննարկումների շրջան է անցել:

Բեռնեք Հայկական Լրատվական Ռադիոյի հավելվածները այստեղ՝
website by Sargssyan