Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Թբիլիսիում հարգել են Սումգայիթի ջարդերի զոհերի հիշատակը

Թբիլիսիում հարգել են Սումգայիթի ջարդերի զոհերի հիշատակը
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Թբիլիսիում հարգել են Սումգայիթի ջարդերի զոհերի հիշատակը

Վիրահայոց թեմի Թբիլիսիի Սբ Էջմիածին եկեղեցում կատարվել է Սումգայիթի ջարդերի զոհերի հոգեհանգստյան կարգ։ Այս մասին  տեղեկացրին Հայ Առաքելական եկեղեցում Վիրահայոց թեմից։

Հաղորդագրության մեջ նշված է. «Վրաստանում ՀՀ արտակարգ և լիազոր դեսպան Ռուբեն Սադոյանը, Վրաստանի խորհրդարանի պատգամավոր Ռուսլան Պողոսյանը, դիվանագետներ, համայնքային կառույցների ղեկավարներ, մտավորականներ, թբիլիսահայ համայնքի անդամներ:  

Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը, անդրադարձ կատարելով  1988թ. փետրվարին Սումգայիթում,  Կիրովաբադում (նոյեմբեր 1988թ.), Բաքվում (հունվար 1990 թ), Մարաղայում (ապրիլ 1992 թ.)  տեղի ունեցած հայկական ջարդերին և դրանց զոհ դարձած անմեղ մարդկանց, դատապարտեց ամեն տեսակ ոճրագործություն, որ դրսևորվում է անձի ազգային պատկանելության և հավատքի դեմի: Թեմակալ առաջնորդը արժևորեց  հայ ժողովրդի անսասան կամքը, հերոս զավակների արիությունը, ում շնորհիվ   շարունակում է զարգանալ  մայր հայրենիքը, անսասան մնալ Հայոց  եկեղեցին և զարգանան համազգային  արժեքները:  

Այնուհետև Թեմակալ առաջնորդի նախագահությամբ և հոգևոր դասի մասնակցությամբ կատարվեց   հայատյացության անմեղ զոհերի հոգու խաղաղության համար հոգեհանգստյան կարգ:

Հիշատակի  միջոցաումը շարունակվեց  եկեղեցու բակում կանգնեցված Ցեղասպանության զոհերի հիշատակի խաչքարի մոտ: Վրաստանում ՀՀ արտակարգ և  լիազոր դեսպան Ռուբեն Սադոյանը, դատապարտելով Սումգայիթում կատարված  եղեռնագործությունները, կոչ արեց թբիլիսահայությանը չտրվել սադրանքներին, ապրել միասնաբար, ինտեգրվել վրաց հասարակությանը, պահպանելով հայի ազգային տեսակը: 

Ոճրագործությունը դատապարտող խոսքով հանդես եկան Վրաստանի հայերի միության  փոխնախագահ Վան Բայբուրթյանը և «Վրաստանի հայ համայնք» կազմակերպության նախագահ  Սամվել Մկրտչյանը: 

Ներկաները ծաղիկներ խոնարհեցին ցեղասպանության զոհերի խաչքարի պատվանդանին»:

Բեռնեք Հայկական Լրատվական Ռադիոյի հավելվածները այստեղ՝
website by Sargssyan