Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Ազգային ժողովը նիստի օրակարգ չընդգրկեց միայն 1 տարի ծառայություն անցնելուց հետո մարտական հերթապահություն սահմանելու մասին նախագիծը

Ազգային ժողովը նիստի օրակարգ չընդգրկեց միայն 1 տարի ծառայություն անցնելուց հետո մարտական հերթապահություն սահմանելու մասին նախագիծը
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Ազգային ժողովը նիստի օրակարգ չընդգրկեց միայն 1 տարի ծառայություն անցնելուց հետո մարտական հերթապահություն սահմանելու մասին նախագիծը

ՀՀ ազգային ժողովը լիագումար նիստի օրակարգ չընդգրկեց «Բարգավաճ Հայաստան» խմբակցության պատգամավորների կողմից ներկայացված «Զինվորական ծառայության և զինծառայողի կարգավիճակի մասին» ՀՀ օրենքում լրացում կատարելու մասին օրենքի նախագիծը: Պատգամավորները դրանով առաջարկում էին զինծառայողներին մարտական հերթապահության ուղարկել միայն առնվազն 1 տարի զինծառայություն անցնելուց հետո:


«Արմենպրես»-ի հաղորդմամբ` նախագիծը ԱԺ նիստում ներկայացրեց խմբակցության պատգամավոր, ԱԺ փոխնախագահ Վահե Էնֆիաջյանը:

«18 տարեկան երիտասարդները չափազանց անփորձ են մարտական հերթապահություն իրականացնելու համար: Մարտական հերթապահության պատրաստվելու համար հիմա սահմանված է 5 ամիս տևողություն, որից հետո նոր անցնում են մարտական հերթապահության: Առաջարկությունը հետևյալն է, որ 12 ամիս զինծառայություն անցնելուց, պատրաստություն ձեռք բերելուց հետո նոր անցնեն մարտական հերթապահություն»,-ներկայացրեց Էնֆիաջյանը ու վստահեցրեց, որ բազմաթիվ հանդիպումներ են ունեցել, խնդրանքով դիմել են զինծառայողների ծնողները:

Նրա կարծիքով` նախաձեռնությունը պարունակում է նաև կանխարգելող միջոց:

Գլխադասային` Պաշտպանության և անվտանգության հարցերի մշտական հանձնաժողովի եզրակացությունը ներկայացնելիս «Իմ քայլը» խմբակցության պատգամավոր Սիփան Փաշինյանը նշեց, որ խորը քննարկումներ են ունեցել: Նա նկատեց, որ տարբեր տարիների կտրվածքով զոհերի թիվը որևէ կապ չունի ուսուցման ժամկետի հետ: «Հրադադարի խախտման հետևանքով զոհերի պատճառը ևս ուսուցման ժամկետները չեն: ՀՀ զինված ուժերում զինծառայողի պատրաստության գործընթացն իրականցվում է փուլերով: Դրա շրջանակում մարտական պատրաստության օրենքում սահմանված է պարտադիր զինվորական ծառայության առաջին 5 ամիսների ընթացքում զինծառայողի համապատասխան պատրաստության և զինվորական մասնագիտության ուսուցման ստորաբաժանման կազմում ներդաշնակման և գործելու ամբողջական ցիկլը: Դրա շրջանակում զինվորը ստանում է  անհրաժեշտ պատրաստություն` մարտական հերթապահությունում ընդգրկվելու համար»,-ասաց նա ու հավելեց` նախագծով ուսուցման ծրագիրը ևս յոթ ամսով երկարաձգելը կհանգեցնի ուսուցման ծրագրի անհիմն ընդլայնման, կրկնության, որը ոչ բարենպաստ ազդեցություն կունենա մարտական հերթապահություն իրականացնող զորամասի մարտական խնդիրների կատարման վրա:

Գլխադասային հանձնաժողովը բացասական եզրակացություն էր տվել նախագծին: Նախագիծը լիագումար նիստ ընդգրկելու համար կողմ քվեարկեց 38 պատգամավոր, դեմ` 67, ձեռնպահ` 2  պատգամավոր:

ԹԱՐՄ ՈՒՂԵՂՈՎ
18Հուլիս
Բեռնեք Հայկական Լրատվական Ռադիոյի հավելվածները այստեղ՝
website by Sargssyan