Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Նիկոլ Փաշինյանը Եվրոպայի օրվա կապակցությամբ շնորհավորական ուղերձ է հղել Դոնալդ Տուսկին և Ժան-Կլոդ Յունկերին

Նիկոլ Փաշինյանը Եվրոպայի օրվա կապակցությամբ շնորհավորական ուղերձ է հղել Դոնալդ Տուսկին և Ժան-Կլոդ Յունկերին
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Նիկոլ Փաշինյանը Եվրոպայի օրվա կապակցությամբ շնորհավորական ուղերձ է հղել Դոնալդ Տուսկին և Ժան-Կլոդ Յունկերին

Վարչապետ Նիկոլ Փաշինյանը շնորհավորական ուղերձ է հղել Եվրոպական խորհրդի նախագահ Դոնալդ Տուսկին և Եվրոպական հանձնաժողովի նախագահ Ժան-Կլոդ Յունկերին՝ Եվրոպայի օրվա կապակցությամբ: 

Ինչպես  տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, ուղերձում, մասնավորապես, նշված է. 

«Հարգարժան պարոն Տուսկ,
Հարգարժան պարոն Յունկեր, 

Ի սրտե շնորհավորում եմ Եվրոպայի օրվա կապակցությամբ, որը նշանավորվում է Եվրոպայում խաղաղության ու անվտանգության, ժողովուրդների բարեկամության և միասնության, տնտեսական և սոցիալական բարեկեցության հաստատմամբ: 

Երկրորդ աշխարհամարտից հետո միացյալ Եվրոպայի ստեղծումը փաստեց, որ առաջադեմ, զորեղ և խաղաղասեր հասարակությունները խարսխված են մարդու իրավունքների, հիմնարար ազատությունների և ժողովրդավարության սկզբունքների վրա:

Եվրոպական արժեքները մեզանում լավագույնս դրսևորվեցին ուղիղ մեկ տարի առաջ, երբ հայ ժողովուրդն իր վճռական քայլը կատարեց՝ հիմք դնելով մեր երկրում ինստիտուցիոնալ և համապարփակ ժողովրդավարական համակարգի զարգացմանը։

Մենք կարևորում ենք ՀՀ-ԵՄ համընդգրկուն համագործակցությունը և այդ համագործակցությունը կանոնակարգող՝ Համապարփակ և ընդլայնված գործընկերության համաձայնագրի լիարժեք կիրարկումը: Վստահ եմ, որ այդ առանցքային փաստաթղթի իրագործումը, որը լիարժեքորեն համահունչ է մեր որդեգրած արժեքներին, ինչպես նաև մեր կառավարության ձեռնարկած լայնածավալ բարեփոխումների օրակարգին, առավելագույնս կնպաստի մեր երկրում ժողովրդավարության ու սոցիալ-տնտեսական զարգացմանը։

Հաշվի առնելով, որ այս տարի մենք տոնում ենք Արևելյան գործընկերության հոբելյանական 10-րդ տարեդարձը, ցանկանում եմ իմ գնահատանքը հայտնել այն ներդրման համար, որ համագործակցության այդ ձևաչափն ունեցել է մեր երկրի և առհասարակ տարածաշրջանի բարգավաճման և կայուն զարգացման հարցում: Լիահույս եմ, որ Արևելյան գործընկերությունը կգրանցի նորանոր ձեռքբերումներ և կշարունակի իր հաստատակամ զարգացումը»:

Բեռնեք Հայկական Լրատվական Ռադիոյի հավելվածները այստեղ՝
website by Sargssyan