Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Սպասվող լրահոս 27.12.2016

ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Հետևե՛ք մեզ YouTube-ում

Սպասվող լրահոս. իրադարձություններ, որ դեռ տեղի չեն ունեցել: Արմենպրեսի խմբագրությունից ներկայացնում է գործակալության թղթակից Աննա Գզիրյանը:

Բարև ձեզ, «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

Այսօր` դեկտեմբերի 27-ին, մի շարք գերատեսչություններ կամփոփեն 2016 թվականի կատարած աշխատանքը: Մասնավորապես, ՀՀ բնապահպանության նախարար Արծվիկ Մինասյանը, ՀՀ առողջապահության նախարար Լևոն Ալթունյանը, ՀՀ սփյուռքի նախարար Հրանուշ Հակոբյանը կխոսեն իրականացրած ծրագրերի մասին և կանդրադառնան առաջիկա անելիքներին:

Տարեվերջյան ամփոփիչ ասուլիսով հանդես կգա Մարդու իրավունքների պաշտպան Արման Թաթոյանը: Նա լրագրողների հետ կհանդիպի Գյումրի քաղաքի Տեխնոպարկում և կներկայացնի, թե քաղաքացիներից ի՞նչ բողոքներ են ստացվել, ո՞ր ոլորտներում եմ մարդու իրավունքներն առավել շատ խախտվել:

Երևանի պետական համալսարանում կանցկացվի «Թալիշներ. Պատմություն և արդիականություն» թեմայով կլոր սեղան: Քննարկմանը մասնակցում են հայ և թալիշ փորձագետներ ու հասարակական-քաղաքական գործիչներ: Միջոցառումը կազմակերպվում է  ԵՊՀ  Իրանագիտության ամբիոնի և Թալիշական Ազգային Շարժման համատեղ ջանքերով:

Մերձավորարևելյան իրադարձություններն են ամփոփում արաբագետ Արմեն Պետրոսյանն ու թուրքագետ Լևոն Հովսեփյանը: Նրանք կանդրադառնան դեռ չհանգուցալուծված սիրիական թնջուկին, Թուրքիայի մարտավարությանը և Ռուսաստանի գործողություններին ու դրանց հետևանքներին:

Ամանորին ընդառաջ հրդեհային անվտանգության հարցերի քննարկումներն ակտիվացել են: ՀՀ ԱԻՆ պետական հրդեհային և տեխնիկական անվտանգության տեսչության քարոզչության բաժնի պետ Սերգեյ Հայրապետյանը կխոսի հրդեհային անվտանգության կանոններից, հրավառության վտանգներից:  

Երևանում տեղի կունենա «Ստալինյան բռնաճնշումները Հայաստանում. պատմություն, հիշողություն, առօրյա» գրքի շնորհանդեսը: Հեղինակներն են՝ Հրանուշ Խառատյանը, Գայանե Շագոյանը, Հարություն Մարությանը, Լևոն Աբրահամյանը: Միջոցառմանը կներկայացվի մի շտեմարան, որը կազմվել է բռնությունների զոհերի մասին վկայող Ազգային արխիվի նյութերի հիման վրա:

Կոմիտասի անվան զբոսայգու տարածքում՝ նախկին Դելֆինարիումի վայրում, կմեկնարկեն «Իմպերիալ» շապիտո կրկեսի ամանորյա ներկայացումները՝ նախապես հայտարարված դեկտեմբերի 23-ի փոխարեն:

Այսօր լրագրողների հետ կհանդիպի Չայկովսկու անվան XIV միջազգային մրցույթի դափնեկիր Նարեկ Հախնազարյանը: Հանդիպման առիթը Կանադայում երաժշտին Ջուզեպե Գվարներիի 1707թ-ի պատմական գործիքի հանձնումն է, որով նա հիմա ելույթ է ունենում։ Թավջութակահարը կպատմի անցնող տարվա ամենավառ իրադարձությունների մասին, կանդրադառնա 2017թ-ի անելիքներին։

Այս և այլ թեմաների մասին կարող եք մանրամասն ընթերցել armenpress.am կայք էջում և լսել Լրատվական ռադիոյի եթերում: Հետևեք մեզ թվիթերում և ֆեյսբուքում:

ԹԱՐՄ ՈՒՂԵՂՈՎ
22Հունիս
Բեռնեք Հայկական Լրատվական Ռադիոյի հավելվածները այստեղ՝
website by Sargssyan