Իրանի հակաօդային պաշտպանության «Վելայաթ երկինք 99-ի պահապաններ» զորավարժությունների ժամանակ առաջին անգամ հայրենական արտադրության հրթիռային պաշտպանության «Bavar-373» համակարգն է կիրառվել, գրում է tasnimnews.com կայքը։
Աղբյուրը մանրամասնում է, որ Bavar-373-ը հաջողությամբ ոչնչացրել է նախապես սահմանված թիրախները։
Հայտնի է, որ Bavar-373-ի մասին Իրանն առաջին անգամ հայտնել է 2019 թվականին։ Հեռահար հակաօդային պաշտպանության այս համակարգը ի վիճակի է մինչև 100 թիրախ հայտնաբերել, հետևել դրանցից 60-ին և միաժամանակ վեցի հետ «գործ ունենալ»։
Նշվում է, որ հակաօդային պաշտպանության համակարգում տարբեր բարձրության թիրախների խոցման համար երեք տարբեր տեսակի հրթիռներ կան։
