Վրաստանի ընդդիմադիր կուսակցությունների ներկայացուցիչները պաշտոնական այցով Թբիլիսի ժամանած ԱՄՆ պետքարտուղար Մայք Պոմպեոյին դիմավորել են այսպես կոչված «լուռ» բողոքի ակցիայով: Այս մասին գրում է eadaily.com կայքը:
Ընդդիմության ներկայացուցիչները «կենդանի շղթաներ» են կազմել Օպերայի և բալետի թատրոնի շենքից մինչև Մեծ համերգասրահ: Ցուցարարները կանգնել են երթևեկելի մասում`իրարից երկու մետր հեռավորության վրա, հատուկ գծանշանների վրա, ձեռքում պահել են պաստառներ, որոնց վրա անգլերեն և վրացերեն գրված է եղել «կեղծված է» բառը: Խոսքը վերաբերում է խորհրդարանական ընտրություններին, որոնց առաջին փուլը տեղի է ունեցել հոկտեմբերի 31-ին:
Վրաստանում հոկտեմբերի 31-ին տեղի ունեցած ընտրություններից հետո խորհրդարան անցած ընդդիմադիր կուսակցությունները հրաժարվել են իրենց մանդատներից:
Գրում է Tert.am -ը:
