Կորոնավիրուսային իրավիճակի սրման պատճառով նոյեմբերի 30-ից Մոլդովայում վերադառնում են արտակարգ դրության ռեժիմին, հաղորդում է ТАСС-ը:
Հաղորդվում է, որ արտակարգ դրությունը երկրում կգործի մինչև հունվարի 15-ը: Պետական գերատեսչությունների աշխատակիցներին խորհուրդ է տրվում անցնել աշխատանքի հեռահար կազմակերպման, իսկ աշխատավայրերում խստացնել հակահամաճարակային անվտանգության կանոնները:
Մոլդովայի բնակիչներն Ամանորը հանրային վայրերում նշել չեն կարողանա, իսկ ռեստորանների, բարերի և սրճարանների աշխատանքը կարգելվի ժամը 22:00-07:00-ն ընկած ժամանակահատվածում, իսկ գիշերային ակումբները կփակվեն:
Բացի այդ, կարգելվի սպորտային միջոցառումների, գիտական կոնֆերանսների, օլիմպիադաների անցկացումը մարդկանց ներկայությամբ: Կինոթատրոնները, թատրոններն ու համերգասրահները ևս կփակվեն:
Գրում է Tert.am -ը:
