Այսօր «Միր» Միջազգային մարդասիրական ֆոնդի պատվիրակությունն աշխատանքային այց է կատարել Արարատի մարզ եւ հանդիպել է մարզպետ Ռազմիկ Թեւոնյանին:
Զրույցի ընթացքում որոշում է կայացվել Արարատի մարզի Երասխ գյուղի «Հիշատակի բլուր» հուշահամալիրում ռազմապատմական օբյեկտների կառուցման, ագրարային բարեփոխումների զարգացման եւ երիտասարդների ռազմահայրենասիրական դաստիարակության համար կադաստրային անձնագրի տրամադրման մասին:
«Միր» հիմնադրամի խորհրդի նախագահ Անդրանիկ Նիկողոսյանի գլխավորած պատվիրակությունն Արարատի մարզի ներկայացուցիչների հետ միասին այցելել է Էրեբունի ավիաբազայի Մի-24 ինքնաթիռի զոհված ռուս օդաչուներին նվիրված «Հիշատակի բլուր» եւ ծաղիկներ են դրել:
Այս տարվա փետրվարի 10-ին Ռուսաստանի դիվանագիտական աշխատողի օրը «Միր» հիմնադրամը կսկսի Երասխ գյուղում գտնվող «Հիշատակի բլուրում» ռազմապատմական օբյեկտների կառուցման շինարարական աշխատանքները:
Նիկողոսյանի խոսքով` 4 հարթակներում միաժամանակ կսկսվի ռազմապատմական թանգարանի, ռուս սպաների ու զինվորների հուշարձանի, Եղիա Մարգարեի անվան մատուռ-եկեղեցու եւ ռազմասպորտային ճամբարի կառուցումը:
Միր» միջազգային մարդասիրական հիմնադրամն իրականացնում է Արարատի մարզի Երասխ գյուղի մոտ տեղակայված՝ ռուսական 102-րդ ռազմաբազայի ավտոշարասյան ուղեկցության ժամանակ խոցված ռուսական ուղղաթիռի անձնակազմի մահվան վայրի հավերժացմանն ուղղված նախաձեռնությունը:
Գրում է News.am-ը: