12:10   17-04-2021
Գեղարքունիքի երկրագիտական թանգարանն ու մարզային գրադարանը հյուրընկալեցին արցախցի երեխաներին
Թողնել մեկնաբանություն

Գեղարքունիքի Վարդգես Պետրոսյանի անվան մարզային գրադարանը եւ երկրագիտական թանգարանը  «Կենաց տուն» ՀԿ նախաձեռնությամբ  հյուրընկալեցին արցախցի երեխաներին։ 

«Արմենպրես»-ի տեղեկացմամբ՝ ծնողների եւ միջոցառման նախաձեռնողների ու մասնակիցների ուղեկցությամբ երեխաները շրջեցին թանգարանում, ծանոթացան ցուցադրվող նմուշներին, որոնք ներկայացրեց թանգարանի գիտաշխատող Մանյա Չարվադարյանը։ Այնուհետ գրադարանում արցախցի փոքրիկները դիտեցին Հովհաննես Թումանյանի «Տերն ու ծառան» հեքիաթի տիկնիկային ներկայացումը, որը ցուցադրվեց Գավառի քրիստոնեական դաստիարակության կենտրոնի  «Նուրի -Նուրի» խմբակի  կողմից։

Փոքրիկներին անակնկալ էին պատրաստել նաեւ «Կենաց տուն» ՀԿ-ն եւ անհատ բարերարը՝ արցախցիներին նվիրելով   գիրք-նվերների փաթեթներ, որոնք  հանձնեց «Կենաց տուն» ՀԿ նախագահ, ՀՀ ժողովրդական վարպետ Լալա Մնեյանը։ Արցախցի փոքրիկների եւ միջոցառման մասնակից երաժիշտ կատարողների համար նվերների փաթեթներ  էր նախապատրաստել նաեւ «Վորլդ Վիժն Հայաստան» կազմակերպության Գավառի տարածքային  գրասենյակը։ Արցախցի երեխաների համար հեքիաթ ընթերցեց Գավառի թիվ 8 միջնակարգ դպրոցի աշակերտուհի Արմենուհի Իսպիրյանը, երաժշտական կատարումներով հանդես եկան Գավառի երաժշտական քոլեջի սաներ Նարեկ այվազյանը, Գուրգեն Աբզոնյանը, Սեւակ Ժամհարյանը։

Loading...