Այսօր Նախիջևանի հայկական լինելը վիճարկվում
է, որովհետև Ադրբեջանն այս տարիներին հետևողականորեն
ոչնչացրեց հայկականությունը: Ջուղայի խաչքարերը, Ագուլիսի գերեզմանատան արձանագրություններով
տապանաքարերը Ադրբեջանը ոչնչացրեց, օգտագործեց որպես շինանյութ, այսօր նույնն է տեղի
ունենում Արցախի՝ Ադրբեջանի գրաված տարածքներում: 90-ականներին Արցախն ազատագրեցինք,
նախ որովհետև արցախահայությունը դիմացավ, դիմադրեց, մինչդեռ Նախիջևանի հայաթափությունը վճռեց Նախիջևանի ճակատագիրը: Այսօր
Արցախը թեև դարձյալ մասնատված է, վիրավոր, բայց պիտի ամեն գնով ապրենք Արցախում, որ
նորից ազատագրելու հնարավորություն ունենանք: