Երասխի հենակետերից քիչ հեռու ռուսական բանակն է: Հայ-թուրքական սահմանը պահող բանակը սակայն չի կարող արձագանքել ադրբեջանցիների հարձակումներին՝ նրա թիրախը հակառակ կողմում է: Ադրբեջանական կողմը սա շատ լավ է հասկանում և իր քայլով շարունակում է բարձրացնել հակառուսական տրամադրություններ:
Կապիտուլյացիոն պայմանագրից հետո անհրաժեշտ էր հենակետեր կառուցել և զբաղեցնել նոր բարձունքներ, որպեսզի այսօր մեր զինվորը վրանում չսառչեր, ո՛չ էլ թշնամին ակտիվանար:
Եթե մեր գործողությունները բացատրվում է թշնամու հետ խաղաղության գնալով, ապա պետք է գիտակցել՝ ֆիզիկապես և նյութապես մի քանի անգամ ուժեղ պետության հետ կարելի է խաղաղության գնալ միայն տոտալ պատերազմի պատրաստվելով:
Թշնամու հարձակումների, կոնկրետ նպատակների, խաղաղությանը ճիշտ պատրաստվելու և Արցախյան պատերազմի վերջում բեկում մտցնելու հնարավորությունների մասին է խոսել ՀՆԽ հրամանատար Վովա Վարդանովը: