Սահմանագծում և սահմանազատում հաջորդ տարի չի լինելու: Այն կարող է վատ նախադեպ դառնալ բոլորի՝ նախևառաջ Ռուսաստանի համար: Սովետական սահմանները չեն կարող դառնալ իրավական հիմք միջպետական վարչական սահմանների հաստատման համար: Ռուսաստանն այդ պարագայում զրկվելու է Ղազախստանի, Ուկրաինայի, Վրաստանի դեմ իր տարածքային նկրտումներից: Դրա համար իրեն ձեռնտու է այս գործընթացը պահել անորոշության մեջ: Ճանապարհների ապաշրջափակման՝ մասնավորապես հայ-թուրքական սահմանի հարցում էլ պետք չէ մեծ սպասելիքներ ունենալ: Գուցե ինչ-որ գնացք Գյումրիից Կարս մեկնի, բայց այնպիսի խիստ ռեժիմ կհաստատվի, որ տարբերություն չենք զգա բաց և փակ սահմանի միջև:
Դիվանագետ Արա Պապյանը խոսել է անցնող և եկող տարվա հիմնական աշխարհաքաղաքական զարգացումների և դիմակայությունների մասին: