Սովորել ձախողումից ու հասնել հաջողության: 18 տարեկանում, երբ Հարություն Մկրտչյանը ընկերոջ հետ բիզնես սկսեց, այն ընթացք չունեցավ: Մեկ տարի անց, սակայն, որոշեցին կրկին փորձել: Այս անգամ Նարեկ Քեյանի հետ: Այսօր նրանց գործը հայտնի է ամբողջ Հայաստանում: Չինաստանը և Starbucks-ը դարձան շարժառիթ: Take away-ի գաղափարը կյանքի կոչվեց փոքր կրպակում: Համահիմնադիր Հարություն Մկրտչյանը նշում է՝ առաջին ներդրողները ընտանիքի անդամներն էին: Ռիսկային էր, պատասխանատվությունը մեծ: Աշխատեց: Շուկայում այսօր առաջատարի դիրքերը նրանցն են: Համահիմնադիր Նարեկ Քեյանի խոսքով՝ գործը սկսելիս առաջնորդվել են «սեր և սուրճ մեկ բաժակում» գաղափարով. սերը՝ հաճախորդի, գործի և սուրճի հանդեպ:
