1920-ին Ռուսաստանը ջախջախվեց Լեհաստանում և շրջվեց դեպի Հարավային Կովկաս՝ ստեղծելով սովետական կայսրությունը: Այսօր էլ Ռուսաստանը պարտվում է Ուկրաինայում: Պուտինը ակնհայտորեն հասկանում է, որ որևէ հաջողության շանս չունի, սակայն, իշխանության մնալու համար իրեն հաջողություն է պետք: Վրաստանի և Հայաստանի նոր օկուպացիայի իրական վտանգ կա: Մեզ ինչպես մեկ դար առաջ կարող են կրկին վախեցնել թուրքերով, ինչպես և Արցախի հարցը թափահարելով:
Դիվանագետ Արա Պապյանի գնահատմամբ ԱԺ նիստում Փաշինյանի հնչեցրած թեզերը նախևառաջ իր համոզմունքն է:
«Ինքը միշտ եղել է այն դպրոցի ներկայացուցիչը, որն ասում է ամեն ինչ տանք թուրքերին և կապրենք հաշտ ու համերաշխ: Մեր զիջող լինելը կամ չլինելը թուրքական քաղաքականության մեջ դեր չի խաղում: Հայաստանը ընկալվում է իբրև անիծյալ սեպ իրենց միավորման և աշխարհաքաղաքական նկրտումների դեմ».ասում է Արա Պապյանը:
