Մեր կյանքի ռիթմն ու ապրելակերպը առաջացնում են մի շարք առողջական խնդիրներ։ Դրանցից ամենահաճախ հանդիպողներից են հենաշարժողական ապարատի հետ կապված հիվանդությունները: Դժվար է գտնել գոնե մեկ մեծահասակի, ով կյանքում չի դժգոհել մեջքի ցավից։
Հենաշարժողական ապարատի խնդիրների պատճառը հիմնականում մկանային անբավարարությունն է։Այս խնդրի լուծումը կինեզոթերապիան է,որը հիմնված է մեր օրգանիզմի բնական պահանջ համարվող շարժման վրա։ Հին հունարենից թարգմանաբար կինեզոթերապիա նշանակում է բուժում շարժման միջոցով։ Մեթոդի կիրառության, արդունավետության ու ցուցումների մասին զրուցել ենք կինեզիոլոգ Էդիտա Տիգրանյանի հետ:
