ԱՄՆ Կալիֆոռնիա նահանգի մի եկեղեցում հրաձգություն է տեղի ունեցել: Այդ մասին հայտնում է Օրինջ շրջանի շերիֆի գրասենյակը՝ հայտնում է Los Angeles Times-ը։
Իրավապահ մարմինների տվյալներով՝ մեկ մարդ զոհվել է, հինգը՝ վիրավորվել։ Ոստիկանությունը հայտնել է, որ հանցագործը հարձակվել է եկեղեցական արարողությունից հետո սկսված նախաճաշի ժամանակ, որին մասնակցել է 30-40 հավատացյալ:
Տղամարդը փակել է բոլոր մուտքերը, որ ոչ ոք չկարողանա փախչել, և սկսել է կրակել: Նախաճաշի մասնակիցներին հաջողվել է բռնել հանցագործին ու զինաթափել: Տեղի ունեցածի դրդապատճառը պարզ չէ:
