11:08   22-05-2022
Ռուսաստանի ելույթի ժամանակ 5 երկրի ներկայացուցիչներ լքել են Ասիախաղաղօվկիանոսյան տնտեսական համագործակցության ֆորումի դահլիճը
Թողնել մեկնաբանություն

Ասիախաղաղօվկիանոսյան տնտեսական համագործակցության ֆորումի անդամ 5 երկրների ներկայացուցիչներ առևտրի նախարարների հանդիպման ժամանակ լքել են նիստերի դահլիճը՝ ՌԴ տնտեսական զարգացման նախարար Մաքսիմ Ռեշետնիկովի ելույթի ժամանակ: Այս մասին հայտնել է Թաիլանդի ԱԳՆ պաշտոնական ներկայացուցչ Թհանի Սենգրատը:

Ավելի վաղ ճապոնական Kyodo-ն էր հայտնել այդ մասին:

Թաիլանդի ԱԳՆ-ի հաղորդմամբ՝ դահլիճը լքած անձինք եղել են Ճապոնիայի, ԱՄՆ-ի, Ավստրալիայի, Կանադայի և Նոր Զելանդիայի ներկայացուցիչները:

Ասիախաղաղօվկիանոսյան տնտեսական համագործակցության 21 երկրների առևտրի նախարարների երկօրյա նիստը մեկնարկել է այսօր, Բանգկոգում: Օրակարգում հետքովիդային շրջանում առևտրի և ներդրումների խթանման հարցն է:

Loading...