ԱՄՆ-ում Ուկրաինայի դեսպանատան ղեկավար Օքսանա Մարկարովան մանրամասներ է հրապարակել ուկրաինացի ժողովրդին աջակցելու համար ԱՄՆ բյուջեից հատկացված 40 միլիարդ դոլարի արտակարգ ֆինանսավորման պլանավորված բաշխման մասին։
«Եվրոպեյսկայա պրավդա»-ի փոխանցմամբ՝ դեսպանը նշել է, որ Վաշինգտոնն ամեն ինչ արել է հնարավորինս արագ գումար հատկացնելու համար։
Մարկարովան ասել է, որ միջոցների կեսից ավելին՝ 23,75 մլրդ դոլար, ուղղվելու է Ուկրաինայի անվտանգությանը։ 9 միլիարդը կուղղվի երկրի լրացուցիչ տնտեսական և տեխնիկական օգնությանը։ 6,58 միլիարդ դոլար կծախսվի մարդասիրական և համաշխարհային պարենային անվտանգության կարիքների համար։ Բացի դրանից, ֆինանսավորում է տրամադրվում ԱՄՆ կառավարության գործողությունների համար, օրինակ՝ Ռուսաստանի Դաշնության հետ կապված առգրավված գույքի առգրավումը և վաճառքը։
