Եվրոպական խորհրդի նախագահ Շառլ Միշելի տարածած հայտարարության մեջ անգամ որոշակի կետերի բացակայությունը արդեն իսկ դրական է: Նախևառաջ ուրախալի է այն փաստը, որ որևէ փաստաթուղթ չի ստորագրվել՝ ոչ երկկողմ, ոչ եռակողմ: Կա կետ սահմանազատման և անվտանգության կայունության ապահովման մասին: Թե այս գործընթացի արդյուքնում ո՞րն է հանդիսանալու իրավապայմանագրային հիմք, պարզ չէ: Հենց սա էլ մեզ համար դրական արձանագրում է՝ հայտարարության մեջ ամրագրված չէ սահմանազատման համար սովետական իրավապայմանագրային հիմքը: Չնայած այս ամենին` որոշակի քաղաքական շրջանակներ և հասարակության մի մասը իր դժգոհություն է արտահայտում հայտարարության բովանդակության վերաբերյալ:
«Եթե կողմերը քաղաքական կամք են արտահայտել խնդիրը լուծել այս եղանակով, ապա Եվրոպայի վրա մուննաթ գալ չենք կարող». ասում է դիվանագետ Արա Պապյանը: