Արևմուտքը ցինիկ է վերաբերվում զարգացող երկրների պարենային խնդիրներին. Այս մասին հունիսի 24-ին հայտարարել է ՌԴ նախագահ Վլադիմիր Պուտինը՝ ԲՐԻՔՍ + ձևաչափով հանդիպմանը։
«Այժմ նման ցինիզմով որոշ արևմտյան երկրներ, ապակայունացնելով գյուղմթերքների համաշխարհային արտադրությունը, մոտենում են այս կարգի խնդիրներին՝ սահմանափակումներ դնելով, օրինակ, ռուսական և բելառուսական պարարտանյութերի մատակարարման վրա՝ դժվարացնելով ռուսական հացահատիկի արտահանումըհամաշխարհային շուկաներ»,- ասել է ՌԴ պետության ղեկավարը։
Ըստ Պուտինի՝ գյուղատնտեսական հիմնական ապրանքների թանկացման հետևանքով առաջինը տուժում են զարգացող երկրները, որտեղ հացն ու ալյուրը բնակչության հիմնական խավերի գոյատևման անհրաժեշտ միջոցն են։
Ռուսաստանի ղեկավարը հիստերիա է անվանել նաև Ուկրաինայից հացահատիկի արտահանման շուրջ ստեղծված իրավիճակը։ Նա նշել է, որ այդչափ սննդամթերք չկա արգելափակված՝ համաշխարհային շուկայում լարվածություն ստեղծելու համար։
Նա նաև խոսել է սննդամթերքով նավերի ազատ անցումը ապահովելու իր պատրաստակամության մասին՝ պայմանով, որ Կիևը մաքրի նավահանգիստները։
