13:00   29-06-2022
Մակրոնը հույս է հայտնել, որ Ուկրաինայում մարտական գործողությունները կավարտվեն մինչև տարեվերջ
Թողնել մեկնաբանություն

Ֆրանսիան Ուկրաինային զենք է մատակարարում, որպեսզի երկիրը կարողանա պաշտպանել իր տարածքները, ոչ թե հարձակվել այլ երկրների վրա: Այս մասին Մեծ յոթնյակի գագաթնաժողովից հետո հայտարարել է Ֆրանսիայի նախագահ Էմանուել Մակրոնը:

Նա նշել է, որ առաջիկա ամիսների ընթացքում Փարիզը կշարունակի ռազմական աջակցություն տրամադրել Կիևին։

«Մենք 12 «Կեսար» հաուբից էինք ուղարկել Կիև, մտադիր ենք ևս վեցն ուղարկել»,- մանրամասնել է Ելիսեյան պալատի ղեկավարը։

Մակրոնը մտահոգություն է հայտնել, որ Ուկրաինայում մարտական գործողությունները շարունակվում են արդեն 4 ամիս, և անհայտ է՝ երբ կավարտվի հակամարտությունը:

«Հուսով եմ՝ դա տեղի կունենա մինչև տարեվերջ։ Այդ նպատակով մենք կխստացնենք Ռուսաստանի դեմ պատժամիջոցները: Ուկրաինան պետք է հնարավորություն ստանա բանակցելու՝ երբ և ինչ պայմաններով ցանկանա: Մենք Կիևի կողքին ենք»,- ընդգծել է Ֆրանսիայի նախագահը:

Loading...