17:07   01-07-2022
Ճապոնիան 7 տարվա ընթացքում առաջին անգամ սահմանել է էլեկտրաէներգիայի խնայողության ռեժիմ
Թողնել մեկնաբանություն

7 տարվա ընթացքում առաջին անգամ Ճապոնիայի կառավարությունն էներգախնայողության ռեժիմ է մտցրել՝ կոչ անելով տնային տնտեսություններին և ձեռնարկություններին խելամտորեն նվազեցնել սպառումն ամառվա ընթացքում:

Դա պայմանավորված է այն հաշվարկներով, որ ուժեղ ջերմային ալիքի դեպքում երկրի գրեթե բոլոր շրջաններում, բացառությամբ հարավային Օկինավայի և հյուսիսում գտնվող Հոկայդո կղզու, էներգիայի պահուստի գործակիցը կարող է լինել ընդամենը 3,7%, մինչդեռ կրիտիկական մակարդակը 3% է:

Խնայողությունների պահանջը վերաբերում է հիմնականում օդորակիչների և այլ էլեկտրական սարքերի օգտագործմանը՝ ջերմահարությունից խուսափելու համար, մինչդեռ էլեկտրաէներգիայի սպառումը կրճատելու երկրորդական թիրախներն են գովազդային ցուցանակները, խանութների լուսավորված ցուցափեղկերը, էլեկտրոնիկայի խանութներում միացված հեռուստացույցները:

Տոկիոն և ևս 8 պրեֆեկտուրաներ երկուշաբթի օրվանից զգուշացնում են հունիսի անոմալ շոգի պատճառով էլեկտրացանցերի ծանրաբեռնվածության մասին: Այս օրերին այս գոտու մի շարք հատվածներում գրանցվել է մինչև 40 աստիճան տաքություն։ Հինգշաբթի օրը Տոկիոյում գրանցվել է հունիսի ջերմաստիճանի ռեկորդը՝ 36 աստիճանից բարձր։

Էլեկտրաէներգիայի մատակարարման հետ կապված խնդիրներ են առաջացել էներգառեսուրսների գնաճի, ՋԷԿ-երի կրճատման ֆոնին՝ հաշվի առնելով էներգիայի էկոտեսակների անցնելու պլանները և էլեկտրաէներգիայի մատակարարման կայունության վերաբերյալ աճող մտահոգությունները։

 

Loading...