Ուղիղ մեկ տարի առաջ Նոյեմբերյանի ակտիվ երիտասարդները ստեղծեցին Protolab-ը: Սա սահմանամերձ համայնքում ՏՏ ոլորտի մեկնարկի կոչ էր: Ապագայի Նախատիպը կարգախոսով առաջնորդվելով` նրանք փորձում են համայնքը դարձնել ավելի երազող: Օգոստոսի 20-21-ին կազմակերպում են Ապագայի նախատիպը միջոցառում: Ոլորտի պրոֆեսիոնալները կուղևորվեն դեպի Նոյեմբերյան` երիտասարդությանը ներկայացնելու սահմանին ապրելու, աշխատելու ու հաջողության հասնելու ճանապարհները:
