Թուրքիայի նախագահ Ռեջեփ Թայիփ Էրդողանի գլխավորությամբ կայացել է Բարձրագույն զինվորական խորհրդի նիստը (YAŞ), որը տևել է 1 ժամ: Հաղորդում է Ermenihaber.am-ը։
Նիստի արդյունքներով՝ Թուրքիայի զինված ուժերի ցամաքային զորքերի հրամանատար Յաշար Գյուլերի պաշտոնավարումը երկարացվել է մեկ տարով:
Մեկ այլ որոշմամբ՝ ռազմածովային ուժերի հրամանատար, բանակի գեներալ Ադնան Օզբալը և օդային ուժերի հրամանատար Հասան Քյուչյուքաքգյուզն անցել են թոշակի:
Նրանց փոխարեն ռազմածովային ուժերի հրամանատար է նշանակվել ադմիրալ Էրջումենթ Թաթլըօղլուն, իսկ բանակի գեներալ Աթիլլա Գուլանը ստանձնել է օդուժի հրամանատարի պաշտոնը:
