ԵՊՀ ռեկտոր Հովհաննես Հովհաննիսյանն օգոստոսի 10-ին հյուրընկալել է ՀՀ-ում Սիրիայի Արաբական Հանրապետության արտակարգ և լիազոր դեսպան Նորա Արիսյանին։ Այդ մասին նա տեղեկացրել է ֆեյսբուքյան իր էջում:
«Հանդիպման ընթացքում քննարկել ենք համագործակցության հնարավոր ձևաչափերը, մասնավորապես՝ արաբագիտության ոլորտում համատեղ ծրագրերը, ԵՊՀ-ում սիրիացի ուսանողների տարբեր մասնագիտություններով ուսումնառության հնարավորությունները, ինչպես նաև Սիրիայում հայկական համայանքի համար ԵՊՀ կողմից մատուցվող հնարավոր կրթական ծրագրերը։
Այցի շրջանակներում քննարկել ենք նաև Արևելագիտության ֆակուլտետում Սիրիայի լսարանի բացման հնարավորությունները»,- գրել է նա։
