12:51   14-08-2022
Image Description
Կանբերայի օդանավակայանից մարդկանց տարհանել են՝ հրաձգության հետեւանքով
Թողնել մեկնաբանություն

Հրաձգության հետեւանքով Կանբերայի օդանավակայանից մարդկանց տարհանել են, իսկ ենթադրյալ հրաձիգը ձերբակալվել է, հայտնում է Reuters լրատվական գործակալությունը՝ հղում տալով Ավստրալիայի ոստիկանության հայտարարությանը։

Ոստիկանությունից հայտնել են, որ ձերբակալվել է մեկ անձ եւ առգրավվել՝ հրազեն։ Զոհեր եւ վիրավորներ, ըստ հայտարարության, չկան։

Ոստիկանությունը հայտնել է, որ տեսախցիկների տեսագրությունները ստուգվել են, եւ այժմ ենթադրվում է, որ ձերբակալվածը միջադեպի միակ պատասխանատուն է:

«Կանբերայի օդանավակայանի տերմինալից մարդիկ տարհանվել են՝ որպես նախազգուշական միջոց, եւ օդանավակայանում իրավիճակը վերահսկելի է»,- ասվում է հաղորդագրության մեջ։

Միջադեպը հանգեցրել է թռիչքների հետաձգման եւ չեղարկման:

Loading...