Ֆիլիպինները կաջակցեն ԱՄՆ-ին, եթե նրանց եւ Չինաստանի միջեւ պատերազմ սկսվի Թայվանի նեղուցում լարվածության պատճառով, ասել է ԱՄՆ-ում հանրապետության դեսպան Խոսե Մանուել Ռոմուալդեսը, ում խոսքերը մեջբերում է Business World պարբերականը։
Դիվանագետի խոսքով՝ Մանիլան պատրաստ է Վաշինգտոնի հետ դաշինքի։ Նա նաեւ հիշեցրել է, որ փոխադարձ պաշտպանության պայմանագիրը Ֆիլիպիններն ավտոմատ կերպով չի կապում ԱՄՆ-ի բոլոր կոնֆլիկտների հետ:
«Եթե, իհարկե, մեծ պատերազմ չլինի, որը, հուսանք, երբեք չի լինի, մենք դաշինքի մեջ կլինենք Միացյալ Նահանգների հետ, ինչպես նրանց հետ դաշինքում էինք Երկրորդ համաշխարհային պատերազմի ժամանակ», - վստահեցրել է Ռոմուալդեսը:
Ամերիկյան կողմին աջակցելու որոշումը, նրա խոսքով, ավելի շատ հիմնված է Ֆիլիպինների պատասխանատվության գոտու վրա, որը ներառում է Հարավչինական ծովը եւ հարակից ջրերը։
Միեւնույն ժամանակ, Մանիլան մտադիր է շարունակել «առավելագույն զսպվածության» կոչ անել դաշնակիցներին:
