Ավստրիան սաստիկ փոթորկի հետեւանքով մահացել է հինգ մարդ, այդ թվում՝ երկու երեխա, փոխացնում է AP-ն։
Երկու աղջիկ՝ 4 եւ 8 տարեկան, մահացել են, երբ հանկարծակի ուժեղ քամին տապալել է ծառերը հարավային Գրաց քաղաքի մոտ գտնվող Լավանտ հովտի լճում: Պաշտոնական տվյալներով՝ վիրավորվել է 13 մարդ, որոնցից երկուսը՝ ծանր։ Տուժածներից շատերը հանգստացողներ էին։
Ավստրիայի նախագահ Ալեքսանդր վան դեր Բելենը երեխաների մահն «անհասկանալի ողբերգություն» է անվանել։ Մոտակա Վոլֆսբերգ քաղաքի քաղաքապետ Հանես Պրիմուսն ասել է, որ տարածքը կարծես «ռազմի դաշտի» լիներ։
Ստորին Ավստրիայում երեք կին է մահացել, երբ կայծակը հարվածել է ծառին կենտրոնական Գեյմինգ քաղաքի մոտ, ինչի հետեւանքով այն ընկել է։
Ֆրանսիայում եւ Իտալիայում սաստիկ փոթորիկներն առնվազն ութ մարդու կյանք են խլել։
