Դաղստանի Բույնակսկի քաղաքային ժողովի 14 պատգամավորներ պատրաստ են մոբիլիզացման։ Բոլորն արդեն ստացել են ծանուցումները, ՏԱՍՍ-ին հայտնել են քաղաքային վարչակազմի մամուլի ծառայությունից։
«Շրջանի զինվորական կոմիսարը հանդիպել է պատգամավորական կորպուսի հետ, 14 պատգամավորներ մոբիլիզացվելու ցանկություն են հայտնել, բոլորին տրվել են ծանուցումներ»,- ասել է գործակալության զրուցակիցը։
Նրա խոսքով, մարզում մոբիլիզացիոն աշխատանքներն ընթանում են մեծ թափով։
«Նույնիսկ կամավորներ են հավաքվել զինկոմիսարիատում, այդ թվում՝ թույլ սեռի ներկայացուցիչներ»,-հավելել է վարչակազմը։
Սեպտեմբերի 21-ին ՌԴ նախագահ Վլադիմիր Պուտինը հրամանագիր է ստորագրել երկրում մասնակի մոբիլիզացիայի մասին։ ՌԴ պաշտպանության նախարար Սերգեյ Շոյգուի խոսքով՝ ռեզերվից զորակոչի է ենթակա 300 հազար մարդ, առաջին հերթին՝ մարտական փորձ և զորքերի համար անհրաժեշտ զինվորական հաշվառման մասնագիտություն ունեցողները։
