Ուկրաինայի նախագահ Վլադիմիր Զելենսկին խնդրել է Անկարային ազդել Ռուսաստանի առաջնորդ Վլադիմիր Պուտինի վրա Լուգանսկի և Դոնեցկի Ժողովրդական Հանրապետություններում (ԼԺՀ և ԿԺԴՀ), ինչպես նաև Զապորոժիեի և Խերսոնի շրջաններում անցկացված հանրաքվեների հարցում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է Anadolu գործակալությունը։
«Զելենսկին ցանկանում է, որ մենք աջակցենք (Ռուսաստանի կողմից վերահսկվող) չորս շրջաններին (Ուկրաինայի, որտեղ տեղի են ունեցել անջատման հանրաքվեներ) և ցանկանում է, որ մենք համոզենք Պուտինին։ Ես մտադիր եմ վաղը այդ հարցերը մանրամասն քննարկել Պուտինի հետ»,- ասել է նա։
Թուրքիայի նախագահի խոսքերով՝ Պուտինը, որին նա ճանաչում է, «կանի այն, ինչ մտքում ունի»։ Էրդողանը «կցանկանար, որ հանրաքվեներ չլինեն», սակայն, նրա կարծիքով, այս հարցը պետք է լուծվի դիվանագիտական ճանապարհով։
Թուրքիայի ղեկավարը հույս է հայտնել, որ Ուկրաինայում խաղաղություն հաստատվի։ Միաժամանակ նա մատնանշել է, որ բանակցություններից անհապաղ արդյունքներ սպասել պետք չէ։