ՀՀ ԱԺ նախագահ Ալեն Սիմոնյանը շնորհավորական ուղերձ է հղել ՀՀ ազգային փոքրամասնությունների օրվա առթիվ, որում նշված է.
«Հայաստանի ազգային փոքրամասնությունների հարգելի՛ քույրեր և եղբայրներ,
Այսօր Հայաստանի Հանրապետության ազգային փոքրամասնությունների օրն է, որը Հայաստանի Հանրապետության տոնացույցը համալրել է մեկ տարի առաջ:
Ձեր ավանդույթներով, մեր երկիրը շենացնելու պատրաստակամությամբ և դժվարությունները հավասարապես կիսելու սրտացավությամբ եղել և մնում եք մեր մեծ ընտանիքի անդամը:
Փոքրաթիվ, բայց մշակութային բազմազանությամբ մեր երկիրը հարստացնող ազգային փոքրամասնությունների ներկայացուցիչները միասին ապրելու և համերաշխության լավագույն օրինակն են:
Շնորհավորանքներ և բարեմաղթանքներ Հայաստանն իրենց հայրենիքը համարող և սիրող մեր այլազգի քույրերին և եղբայրներին: Մենք գնահատում և հիշում ենք ձեր պապերի, զավակների սխրանքներն ու անձնազոհությունը, միշտ ձեր կողքին ենք, դրանում կասկած լինել չի կարող»: