2-3 ամիս առաջ ընդունվեց նախագիծ՝ «Բարձր որակավորում ունեցող մասնագետների ներգրավման միջոցառում»: Էկոնոմիկայի նախարարության և Հայաստանի ներդրումային խորհրդի միասնական ջանքերով մշակված այս փաթեթը սկսել է հայտերի ընդունումը: Խնդրին անդրադառնալու գլխավոր պատճառը գործարարների կողմից բարձրացվող հարցն էր՝ տարբեր երկրներից բարձր որակավորում ունեցող մասնագետների ներգրավվման պակաս կա: Նրանց ներգրավելու թե՛ պահանջների շեմն է բարձր, թե՛ աշխատավարձի չափը: Փաթեթը սահմանում է որոշակի կարգավորումներ, որոնք կողմերի համար ավելի արդյունավետ տարբերակներ կստեղծեն: