Կադաստրի պետական կոմիտեի նախագահի տեղակալ Արևիկ Ավոյանը ԱԺ նիստում ներկայացրեց նախագիծ, որը հնարավորություն կտա ոլորտում թվայնացում իրականացնել:
«Օրինակ՝ նոտարը վավերացնում է առքուվաճառքի պայմանագիրը, տվյալ դեպքում պայմանագիրն էլեկտրոնային եղանակով ներկայացվելու է Կադաստրի կոմիտե: Այսինքն՝ քաղաքացին տվյալ պայմանագիրը այլևս չի ներկայացնելու կոմիտեի գրասենյակ»,- ասաց նա:
Նախատեսվում է նաև Կադաստրի կոմիտեի սպասարկող գրասենյակներում դիմումների քանակն էականորեն նվազեցնել՝ դրանց մի մասը դարձնելով թվային:
«Այսինքն՝ որոշակի դիմումներ, որոնք խիստ նույնականացում չեն պահանջում, մատուցելու են էլեկտրոնային եղանակով` www.e-cadastre.am կայքի միջոցով»,- ասաց նա: