18:12   24-03-2023
Image Description
Հստակ ֆիքսեցինք, թե ովքեր չեն կարող հավակնել դպրոցի գործադիր մարմնի պաշտոնին. Ժաննա Անդրեասյան
Թողնել մեկնաբանություն

ՀՀ ԿԳՄՍ նախարար Ժաննա Անդրեասյանն այսօր տեղի ունեցած ասուլիսի ընթացքում, պատասխանելով լրագրողների հարցին, անդրադարձավ դպրոցի տնօրենին ներկայացվող պահանջներին՝ ըստ օրենքի վերջին փոփոխության:

««Հանրակրթության մասին» օրենքի փոփոխություն արեցինք, որտեղ հստակ ֆիքսեցինք, թե ովքեր չեն կարող հավակնել դպրոցի գործադիր մարմնի պաշտոնին: Խոսքը ոչ միայն տնօրենի, այլև վարչատնտեսական համակարգողի մասին է:

Այդտեղ հստակ ֆիքսել ենք կուսակցական գործունեության վերահսկիչ մարմիններում լինելու արգելքը:

Դրել ենք նաև հավելյալ պայմաններ: Նախկինում ունեինք իրավիճակ, որ քրեական գործ էր հարուցվում, օրինակ՝ ֆինանսական չարաշահումների մասով, այնուհետև այդ անձն ընդունում էր իր մեղքը, բերում էր ու փոխհատուցում վնասը, և գործը կարճվում էր, դրանից հետո նա կարողանում էր հանգիստ գալ ու նորից մասնակցել տնօրենի մրցույթին և կրկին դառնալ տնօրեն:

Նախորդ տարվա օրենքի փոփոխությամբ հստակ ամրագրել ենք արգելող դրույթը, որ եթե անձի գործը կարճվել է ոչ արդարացնող հիմքով, ապա նա չի կարողանալու մասնակցել դպրոցի գործադիր մարմնի պաշտոնի համար հայտարարվող մրցույթներին»,- ասաց Անդրեասյանը:

Loading...