Ամերիկայի Միացյալ Նահանգներում ֆինանսական փուչիկի պայթելը ժամանակի հարց էր, դրա մասին սկսել էին լրջորեն խոսել դեռ 2017 թվականից, կորոնավիրուսը պարզապես արագացրեց գործընթացը: Թրամփն արհեստականորեն է երկարաձգում ճգնաժամը, որպեսզի կարողա վերընտրվել նախագահի պաշտոնում: Նա տրիլիոնների հասնող արհեստական ներարկում է անում տնտեսության մեջ, որը ֆինանսական լրջագույն խնդիրների է բերելու առաջիկայում: «Թարմ ուղեղով» հաղորդաշարի այս թողարկմանը ֆինանսական փորձագետ Նարեկ Զաքարյանի հետ վերլուծել ենք համաշխարհային ֆինանսական շուկան. ի՞նչ է կատարվում վերջին ամիսներին ԱՄՆ, Չինաստանի, Ռուսաստանի տնտեսություններում, «մեղքի» ի՞նչ չափաբաժին ունի այդտեղ կորոնավիրուսը և որքանո՞վ է ամուր Հայաստանի ֆինանսական համակարգը: