«Հիմնարկ» ընկերության համահիմնադիր Ռուբեն Օսիպյանը վստահ է, որ տնտեսական ճգնաժամի ընթացքը կարելի է օգտագործել որպես հնարավորություն բիզնեսի համար՝ գտնել զարգացման նոր ուղղություններ, մտածել ռազմավարական ու մարտավարական խնդիրների մասին: Փոխվել են բիզնեսի կազմակերպման գործիքները, մեծ պահանջարկ ունեն ավտոմատացման համակարգերը ու բիզնեսը պետք է արագ արձագանքի այդ փոփոխություններին: Այդ առումով, «Հիմնարկ» ընկերությունը գուցե անգամ շահած դուրս գա իրավիճակից: Ռուբեն Օսիպյանի հետ զրուցել ենք այն մասին, թե ինչպես ճգնաժամը դարձնել հնարավորություն:
