Արևադարձային «Սալլի» փոթորիկը ԱՄՆ Ալաբամա նահանգում 1 մարդու մահվան պատճառ է դարձել: Այս մասին չորեքշաբթի հայտնել է Associated Press գործակալությունը՝ հղում տալով Օրինջ Բիչի քաղաքապետ Թոնի Քեննոնին:
ТАСС-ի հաղորդմամբ՝ սա «Սալլիի», որը երկրորդ կատեգորիայի փոթորիկ էր, առաջին զոհն է: Մարդու մահվան հանգամանքների վերաբերյալ մանրամասներն այժմ պարզվում են:
Օդերևութաբանների գնահատականներով՝ «Սալլին» «աղետալի և մարդկանց կյանքին սպառնալիք հանդիսացող հեղեղումների» պատճառ է դարձել Ֆլորիդայում և Ալաբամայի հարավում: Առանց էլեկտրաէներգիայի է մնացել ավելի քան 540 հազար բաժանորդ:
Գրում է՝ Tert.am-ը: