Բրյուսելում տեղակայված ՆԱՏՕ-ի շտաբ-բնակարանում մեկնարկել է Թուրքիայի և Հունաստանի ռազմական պատվիրակությունների` Միջերկրական ծովում լարվածությունը թուլացնելուն ուղղված չորրորդ հանդիպումը: Այս մասին գրում է «Անադոլու» գործակալությունը` հղում տալով Թուրքիայի պաշտպանության նախարարությանը:
Բանակցությունները կրում են աշխատանքային բնույթ և նպատակ ունեն Միջերկրական ծովի արևելյան հատվածում միջադեպերը կանխելու համար համաձայնեցնել ռազմական ուժերի «բաժանման միջոցառումները»:
Թուրքիայի հարաբերությունները Միջերկրական ծովի արևելյան հատվածի պետությունների հետ սրվել են Անկարայի կողմից այս երկրների ջրային տարածքներում հորատման աշխատանքներ սկսելուց հետո:
Գրում է՝ Tert.am -ը:
