Սան Ֆրանցիսկոյի Սբ. Գրիգոր հայ առաքելական եկեղեցու հոգաբարձուների խորհուրդը հինգշաբթի հայտնել է, որ 04:00-ի սահմաններում հրկիզվել է եկեղեցու օժանդակ կառույցը:
«Կառույցն ընդգրկում է Վասպուրական սրահը, ինչպես նաև եկեղեցու և տարբեր կազմակերպությունների գրասենյակներ: Սան Ֆրանցիսկոյի հրշեջ վարչությունն արագ արձագանքել է, սակայն շենքը մեծ վնասներ է կրել»,- Asbarez-ը փոխանցում է հոգաբարձուների խորհրդի հայտարարությունը:
Հոգաբարձուների խորհրդի անդամներն ու համայնքի ղեկավարները դեպքի վայրում են և գնահատում են հասցված վնասի չափը:
Հայ համայնքի պաշտոնական ներկայացուցիչների հաղորդմամբ՝ հրկիզվել են եկեղեցու կիրակնօրյա դպրոցի դասասենյակները, եկեղեցու գրասենյակը և Համազգային գրադարանը:
Աղբյուրը հիշեցնում է, որ հուլիսին հարձակում էր տեղի ունեցել հայկական դպրոցի և հարակից կենտրոնի վրա. շենքի պատերին հակահայկական և ադրբեջանամետ գրաֆիտիներ էին արվել:
Գրում է՝ Tert.am -ը:
