16:18   19-09-2020
Image Description
Երևանի Լենինգրադյան փողոցի թիվ 24 շենքի բնակարաններից մեկում հրդեհ է բռնկվել․ կա տուժած

Սեպտեմբերի 19-ին, ժամը 10:00-ին Ճգնաժամային կառավարման ազգային կենտրոն ահազանգ է ստացվել, որ Երևանի Լենինգրադյան փողոցի թիվ 24 շենքի 2-րդ հարկի բնակարաններից մեկից ծուխ է նկատվում։ Այս մասին հայտնում են ԱԻՆ-ից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է բնակարանի ննջասենյակում։

Հրդեհը մեկուսացվել է ժամը 10։23-ին, մարվել՝ 10։37-ին։ Այրվել է ննջասենյակի մանրահատակը (մոտ 1 քմ) և մահճակալը՝ մասամբ։

Հրշեջ-փրկարարները հոսանքազրկել են բնակարանը, տուժածին դուրս բերել բնակարանից և մոտեցրել շտապօգնության ավտոմեքենային. վերջինս հոսպիտալացվել է «Այրվածքաբանության ազգային կենտրոն» ՓԲԸ։


Loading...