12:53   21-09-2020
Image Description
Ռուսաստանում մեկնարկել են «Կովկաս-2020» զորավարժությունները

Ռուսաստանի հարավային զորավարժարաններում մեկնարկել են «Կովկաս-2020» հրամանատարաշտաբային զորավարժությունները՝ ավելի քան 80 հազար մարդու մասնակցությամբ, գրում է ՏԱՍՍ գործակալությունը:


Աղբյուրը մանրամասնում է, որ հիմնական զորավարժությունները մի շարք զորավարժարաններում տեղի են ունենալու սեպտեմբերի 21-26-ը: Բացի այս Սև և Կասպից ծովերի ջրերում գործողություններ կիրականացնեն նաև Սևծովյան և Կասպիցծովյան նավատորմերը, որոնց կմիանան նաև իրանական ռազմանավերը:


Պաշտպանության նախարարության տվյալներով՝ զորավարժությունների ընթացքում Ռուսաստանի զինված ուժերը հատուկ ուշադրություն կդարձնեն թևավոր հրթիռների ու անօդաչու թռչող սարքերի դեմ պայքարին, ինչպես նաև ռազմական գործողությունների արագ փոփոխությանը:


Նշվում է, որ որպես դիտորդ հրավիրված են Ադրբեջանի, Ինդոնեզիայի, Իրանի, Ղազախստանի, Տաջիկստանի և Շրի Լանկայի ներկայացուցիչները:

Գրում է՝ Tert.am -ը:

Loading...