Ուզբեկստանի վարչապետի՝ ագրարային և սննդի ոլորտների զարգացման հարցերով տեղակալ Ուկտամ Բարնոևը մահացել է կորոնավիրուսից կյանքի 57-րդ տարում: Այս մասին հայտնում է РБК-ն՝ հղում անելով տեղի կառավարության կայքին:
Բարնոևի մոտ կորոնավիրուս են ախտորոշել հուլիսի վերջին: UzNews.uz կայքի տվյալներով՝ քաղաքական գործիչը բուժում էր ստանում Akfa Medline մասնավոր հիվանդանոցում:
Մեկ այլ ուզբեկական աղբյուրի փոխանցմամբ՝ փոխվարչապետը մահացել է Գերմանիայում բուժվելիս:
Բարնոևը 2016թ.-ի դեկտեմբերից մինչև 2020թ.-ի փետրվարը նահանգապետի պաշտոն է զբաղեցրել, իսկ այս տարվա փետրվարից ստանձնել է փոխվարչապետի պաշտոնը:
Ուզբեկստանում, ընդհանուր առմամբ, կորոնավիրուսից մահացել է 429 մարդ, վարակվել՝ 51 235-ը:
Գրում է՝ Tert.am -ը:
