ՄԱԿ-ը հետագա զարգացման և ժամանակակից մարտահրավերներին պատասխանելու համար բարեփոխումների կարիք ունի, և Գերմանիան պատրաստ է պատասխանատվություն ստանձնել և մասնակցել այդ գործընթացում, այդ թվում՝ ՄԱԿ-ի Անվտանգության Խորհրդի ընդլայնված կազմում: Այս մասին հայտնել է ԳԴՀ կանցլեր Անգելա Մերկելը՝ ելույթ ունենալով կազմակերպության 75-ամյակի առթիվ հրավիրված Գլխավոր Ասամբլեայի հանդիսավոր նիստին:
«Համաշխարհային խնդիրները պահանջում են համաձայնություն և համագործակցություն՝ չնայած ազգային սահմանների»,- ասել է նա՝ օրինակ բերելով կորոնավիրուսի համավարակը, գրում է ТАСС-ը:
Միևնույն ժամանակ նա ասել է, որ «շատ հաճախ ԱԽ-ն արգելափակված է լինում, երբ պետք է կարևոր որոշումներ կայացնել: «Մեզ բարեփոխումներ են պետք: ՄԱԿ-ը պետք է շարունակի զարգանալ, որպեսզի հնարավորություն ունենա 21-րդ դարի համաշխարհային մարտահրավերներին պատասխան տալ»,- ընդգծել է նա:
Մերկելը նշել է, որ Գերմանիան, ինչպես նախկինում, պատրաստ է ուրախությամբ պատասխանատվություն ստանձնել ընդլայնված Անվտանգության Խորհրդում»:
