11:20   29-10-2020
Image Description
Կարմիր խաչի միջազգային կոմիտեն կրկին կոչ է արել Արցախի հակամարտության գոտում պաշտպանել քաղաքացիներին և քաղաքացիական ենթակառուցվածքները

Կարմիր խաչի միջազգային կոմիտեն իր թվիթերյան էջում անդրադարձել է արցախյան հակամարտությանը՝ նշելով, որ սեպտեմբերի վերջին հակամարտության սրման պահից կողմերին հորդորել է բոլոր հնարավոր միջոցները ձեռնարկել՝ պաշտպանելու քաղաքացիներին և այնպիսի քաղաքացիական ենթակառուցվածքներ, ինչպիսիք են հիվանդանոցները, դպրոցները, շուկաները և մշակութային վայրերը։

«Սրանք միջազգային մարդասիրական իրավունքի շրջանակում գտնվող պարտականություններ են»,-նշել է Կոմիտեն:

Մեկ այլ գրառմամբ էլ կառույցը խստագույնս դատապարտել է  հակամարտության գոտում բռնության վերջին ալիքը՝ նշելով, որ քաղաքային հատվածներում ինտենսիվ հրետակոծության հետևանքներով ավելանում են քաղաքացիական վնասները:

Loading...