Հայրենիքին ծառայելու նո՞ր բանաձև. ծնվե՛լ Հայաստանում, ծառայե՛լ ռուսական բանակում, զոհվել Չեչնիայում. «Հետախույզի օրագիրը»
Շրջանառվում է օրենքի նոր նախագիծ, որով 27 տարին լրացած ՀՀ քաղաքացիները,
որ չեն անցել պարտադիր զինվորական ծառայություն և գտնվում են քրեական հետախուզման մեջ,
պայմանագրային զինվորական ծառայողի երկու տարվա աշխատավարձ վճարելու դեպքում կազատվեն
քրեական հետապնդումից: Երկսայր օրենք է. կարող է և օգտակար լինել և վնասել: Օգտակար
է, որովհետև հնարավորություն է տալիս «ինքնաաքսորված» քաղաքացուն վերադառնալ հայրենիք, բայց կարող է լինել նաև վատ նախադեպ՝ տասը տարի պատսպարվել, ապա հայտնվել, վճարել ու
խուսափել ծառայությունից: Կան փափկասուն ծնողներ,
որ իրենց զավակներին զրկում են արժանապատիվ քաղաքացի լինելու հնարավորությունից. նախ
պետք է կարողանալ փոխել այս մարդկանց մտածողությունը:
