Ֆրանսիայի խորհրդարանի պատգամավոր Վալերի Բուայեն իր ֆեյսբուքյան էջում հայտնել է, որ Ֆրանսիայի Վիեն քաղաքում թուրքեր հարձակվել են ոստիկանների վրա՝ ցանկանալով բռնել հայերին, ինչպես որ արել են 1915 թվականին:
«Թուրքերը Վիենում հարձակվում են ոստիկանական աշխատակիցների վրա և 1915 թվականի պես ցանկանում են բռնել հայերին։ Մինչև ե՞րբ է Ֆրանսիան չեզոք մնալու։ Որքա՞ն ժամանակ ենք կուրորեն հետևելու Թուրքիայի էքսպանսիոնիստական քաղաքականությանը։ Ինչո՞ւ ենք սպասում և Թուրքիայի նկատմամբ խիստ պատժամիջոցներ չենք ձեռնարկում»,-գրել է նա։