14:10   13-01-2021
Image Description
ԱԺ հանձնաժողովը հետաձգեց «Բարձրագույն կրթության և գիտության մասին» օրենքի քննարկումը

ՀՀ ազգային ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը հետաձգեց «Բարձրագույն կրթության և գիտության մասին»  օրենքի նախագծի և հարակից օրենքների փաթեթի քննարկումը:

«Արմենպրես»-ի փոխանցմամբ` քննարկումը հետաձգվեց հիմնական զեկուցող ՀՀ կրթության, գիտության, մշակույթի և սպորտի նախարար Վահրամ Դումանյանի բացակայության հիմքով:

 «Պետք է քննարկեինք «Բարձրագույն կրթության և գիտության մասին» օրենքի նախագիծը և հարակից օրենքների փաթեթը, բայց պարոն Դումանյանի և իմ միջև ձեռք է բերվել համաձայնություն` ևս 3 շաբաթով հետաձգելու հարցի քննարկումը, որովհետև նախագծի վրա հանձնաժողովն ու նախարարությունը դեռևս մեծ ծավալի աշխատանքներ են կատարում: Խնդրել եմ, որ օրենքի նախագիծը ներառվի հանձնաժողովի հաջորդ նիստի օրակարգում` հիմնական զեկուցողի բացակայության հիմքով»,- ասաց հանձնաժողովի նախագահ Մխիթար Հայրապետյանը:

Նա հավելեց, որ այս առումով ավելորդ շտապողականության անհրաժեշտություն չկա:

Loading...